Почитувани сограѓани, со чувство на длабока почит, задоволство, но и одговорност кон вас, но и кон сите идни генерации жители, ја претставувам мојата кандидатура за градоначалник на Општина Дебрца.

Со гордост на своето потекло, се сеќавам на најраните спомени од детството и младоста низ уличките на моето родно Мешеишта, чекорам низ сегашноста со општествен придонес директно од центарот на општината во Белчишта, со надеж и план како да ја оставиме Дебрца во рацете на идните генерации, како општина со добра перспектива, достоинствена и просперитетна.

Општината ќе се развива рамномерно и праведно во сите села, и помалите и поголемите, со ставен акцент на проектите што ги засегаат најголем број од граѓаните, но секогаш со мисла за благосостојба на целокупното население.

Особено лично ќе се залагам за беспрекорно чиста еколошка средина, заштита на животната средина, современи методи на производство и енергетска ефикасност.Посакувам инклузивна заедница и со целото свое битие ќе се залагам за општина со која секој ќе се гордее.

Заедно, до многу успеси!